Bhul gaye woh din!

Bhul gaye woh din,

Jab chain ki gehri neend tum lete the

Sapno me pariyon ko dekha karte the

Ab to neend ana hi mushkil hai

Dimag sochna jo band nahi karta

Raat ko baar baar neend jo khulti hai

Akele rehne mein darr jo hai lagta

Bhul gaye woh din ,

Dard hone se jo jor jor se rote the

Gham doston ko batla ke dil halka jo karte the

Ab to aasuyon ko chupa ke hai rote

Akele tanha hokar chup hi rehte

Aakhein agar bheeg bhi jaaye

To nazrein hata ke dheeme se muska dete

Bhul gaye woh din,

Haarne ke baad bhi jeetne wale ke saath jab haste the

Jeetne wale ka hath pakad kar hi chala karte the

Ab to haarne ke baad maayus ho bathte hai

Lagta hai sab kuch hi haar liya humne

Jeetne wala apne me hi khush rehta hai

Woh mana raha hota hai jashn aur tum hote ho gham me

Bhul gaye woh din,

Pyaar jab kisi ek se hi kiya karte the

Usse paane ke liye puri duniya se lad jaate the

Ab to pyaar ka matlab hi kho chuke hai

Bas saath rehne ko hi pyaar samajh hai baithe

Duriyon se pyaar kam nahi hota hai

Ishq ibadaat hai tum yeh kyon nahi samajthe

Bhul gaye woh din,

Aasmaan me taaro ko dekha karte the

Raat me bahar tehla jo karte the

Ab to yaad nahi sar utha ke aasman kab dekha tha

Duniyan ki is bheed me gum ho gaye hai hum

Kab tumne is raat ki khamoshi ko suna tha

Itne pareshan,uljhe huye kyon ho gaye hai hum

Bhul gaye woh din,

Jab pyaar logo se kiya karte the

Aur cheezon ko istmaal kiya karte the

Ab to pyaar hai hume apni cheezon se

Aur kar rahe hai istmaal logo ko